Carpon Eha R.

Ilustrasi, (Foto Liputan6.com).

Share

Kulawarga Rachmat

SANGGEUS ngarumah tangga jeung Rachmat. Tia dibawa pindah, sangkan Rachmat teu jauh teuing ka tempat gawè, nya kitu deui Tia ogè pindah tempat gawèna. Atuh barudak ogè pindah sarakolana. Jadi rame di kulawarga Rachmat ayeuna mah, Intan aya batur jeung budak bawa Tia. balageur barudak téh, geus jiga dulur saindung sabapa. Harideng teu kudu dititah, boh solat atawa pagawĕan imah, teu ngandelkeun teuing nu ngabantu.

Poè Minggu geus direncanakeun rèk joging, nu utamana mah Tia tèh, sangkan Rachmat, nu jadi salakina meh teu montok teuing. Jam genep geus saraged. Makè baju olah raga, sapatu kets geus dipake. Caringgcing barudak mah geus siap.

“Mah, cios teu jalan tèh?” ceuk Intan bari nalikeun tali sapatu.

“Cios atuh Tèh, mung ci Ayah tuh. Can gugah kĕnĕh.” tĕmbal Tia bari memener tiungna.

“Sok antosan di payun. Urang gugahkeun heula !”

Laju Tia ka kamarna rĕk ngagudagkeun.Rachmat, anu masih  tibra sarè.

“Yah, gugah atuh. Pan badè joging tĕa. Tuh barudak tos saraged.”

“Naon. Yank. jam sabaraha kitu ayeuna?”

Bari metot Tia, atuh Tia ngagubrag kana awak Rachmat, nu masih kĕnĕh nangkarak bengkang di kasur. Gep awak Tia ditangkeup katingalina  sono waĕ Rachmat ka Tia. Kahayangna mah bieu gĕ kudu ngalayanan heula, abong nu keur panganten, ampir unggal usik mun keur aya di imah mah, teu welĕh dirungrum ku kasono.

“Yah. atos pan wengi, hayo gugah, tuh barudak tos nunggguan di payun.” ceuk Tia bari celengok nyium pipi Rachmat.

“Sok atuh gugahkeun Ayah.” ceuk Rachmat bari ranggah leungeuna mĕnta dihudangkeun. Ogo ayeuna mah Rahcmat tèh, duka tah baheula jeung pamajikan ka hijina.

Geus bĕrĕs mandi. langsung dibaju nu geus disadiakeun ku Tia, sagalana di luhur kasur. Ti mimiti slempak nepi ka anduk leutik, sapatu olahraga, bajuna lengkep Rachmat mah tinggal makĕ. Sagelas susu panas geus disadiakeun.

Sanggeus bĕrĕs mandi, dibaju, nepi ka nginum susu, langsung nuju garasi.

“Ayah, lama banget.” ceuk Intan bari nyampeurkeun Rachmat, nu keur manaskeun mobil.

“Ayah pules tidur Tètèh, capĕ malem pulang, udah sarapan belum?”

“Belum nanti aja di sana. Yah, kata Mamah, setelah jalan kita cari makan.”

“Ya, nanti aja, mau jalan jangan makan dulu tar perut sakit.” tĕmbal Rachmat.

“Mah, hayu berangkat, tos siap kabujeng panas!”

“Ya, ti tadi  tos siap, Ayah,” tĕmbal Tia bari nyimpen cai mineral ka tiap panto mobil bisi barudak hanaang.

Nepi kanu dituju ka Alun-alun, kasampak geus pinuh kunu rèk olahraga. Rachmat markir mobil, Tia jeung barudak ti heula turun, bari nungguan dariuk handapeun tangkal katapang, panon poé geus ngahaneutan alam dunya, seger, angin isuk mawa sehat kana awak.

Jol Rachmat, langsung lumpat meunang lima balikan, kĕsang lumayan geus ngoprot. Bari diuk dina bangku taman, Tia, Rachmat ngelapan kĕsang dina tarangna, sor Tia mikeun cai mineral, gap ditarima ku Rachmat, Regot- regot nepi tinggal satengahna bĕhna ku hanaang.

“Mah, ka mana barudak, Intan jeung Ade?”

“Maraen tuh ka palih ditu.” ceuk Tia bari nunjuk tempat nu dituju barudakna.

“Bagja, Ayah mah ayeuna da Mah.”

“Maksadna kumaha, Yah?”

“Emut teu kapungkur, waktu keur SMA, urang pernah jonging di Alun- alun?”

“Oh… eta, hehe.. malu ich,” ceuk Tia bari neuteup Rachmat.

“Naha malu, Ayah mah pengalaman pertama, nĕmbak cĕwĕ, dan ciuman pertama, yang tidak pernah kulupa.” ceuk Rachmat, bari ngarĕrĕt Tia nu tungkul.

“Yank, Ayah ayeuna asa keur zaman urang bobogohan nya?”

“Tos ach … isin tuh barudak geus pararawan, tong lebay waĕ.” ceuk Tia bari celetot nyiwit cangkĕng Rachmat.

“Aw …” ceuk Rachmat bari nyekelan leungeun Tia.

Dunya asa balik deui, keur zaman abg, kasawang, kacipta lalampahan, moal bisa karandapan deui, endah moal bisa dipohokeun.

Ngobrol ka ditu-ka dieu ngaguar nu geus kapilampah, teu karasa geus beurang, Intan, Ade nyalampeurkeun bari ngajak dahar geus karasa lapar, laju muru rumah makan, aya ku nikmat bari syukur ka nu Maha Kawasa, geus dipaparin rizki, rizki tĕh lain dahareun waĕ. Tapi rizki kulawarga sĕhat. harmonis, salaki bageur, pamajikan solehah, bisa ngabantu nu kasusahan.

Rĕngsĕ dahar, Rachmat sakulawarga mulang, bari suka bungah.***

#cag. 2017

Eha R, guru mapel Bahasa Indonesia di SMP N 2 Sukaraja Kabupaten Sukabumi